Энэ жимээрээ
Ээлжлэн үргэлжлэх энэ цаг хугацааны аясаар
Эргэлдэж хөвөх энэ дэлхийн жамаар
Хүн төрөлхтөний амьдрал өрнөсөөр
Хамаг зүйлс байраа солин хувьссаар
Миний бодол төгсрөн бүрэлдэж
Мөнхийн оршилд аажмаар ойртож байна
Өөрийгөө хайх аялал минь үргэлжилсээр
Үнэн худлын чанарыг таньсаар
Үүрдийн амьдралд алхам алхмаар дөхөж байна
Унтахгүй байх нууцыг хүсэж
Учрахгүй байх харцыг эрж
Ууж идэхгүй байх хүчийг олж
Улам төгөлдөрлүү бага багаар алхаж байна
Энэ аялал минь хэзээ ч дуусахгүй
Эхлэл үгүй төгсгөл үгүй байж магадгүй
Магадгүй ойртох тусам эрэл маань ихэсч
Мацах оргил маань улам өндөр болж байна
Ахисаар би хязгааргүйг мэднэ
Амьдарсаар би хоосон оршихуйг танина
