“Болор цом 2006” наадмын эзэн, яруу найрагч Ж.Мөнхбат

Өвөрт минь гvнж шиг нойрссон бvсгvй
Өглөө босоод усанд ороход би дуртай
Шvршvvрийн доор дагина мэт зогсоход
Шvvдрэн дусал гэзэгнээс нь унахад би дуртай


Надаас авсан бvхнээ усанд vйж
Нартад заяаснаас бусдаа усанд гээж
Нойтон гэзгээ цээжин дээр минь асгахад
Нойрмог өглөө цочин сэрэх би дуртай

Гvн нойрыг минь чимж
Гvнж шиг нойрссон бvсгvй
Халуун хөнжлөөс сэмхэн сугарч
Хvйтэн шvршvvрт ороход

Дусал дусал ус зvрхэн дээгvvр
Дурлал хайр мэт бөмбөрч
Шvvдрийн дусал мэт ариухнаар
Шvлгэн сэрэл өдөөдөгөө

Будаг ч vгvй, юу ч vгvй төрмөл биеэрээ
Бурханы бvтээл шиг эрхэмсэг бvсгvй
Уруулаа хацарт нааж, энгэрт эрхлэхэд дуртай
Унаган харцаа нууж удаахан ширтэхэд нь дуртай

Шvvдэрт орчлонгийн өглөө бvхнээс
Шvршvvрт орсон амраг өвөрт эрхлэхэд дуртай
Нvргэлэх тэнгэрийн асгарах бороонд
Нvглээ арилгаж нvцгэн зогсоё бvгдээрээ

Бусдаас нvглээ нуухгvй гэсэн шиг
Бурхан хvртэл нvцгэн байдаг шvv дээ
Төрөхдөө нvцгэн ирээд

Төрөл арилжихдаа нvцгэн буцдаг хорвоод
Тэнгэрийн шvршvvрт нvглээ гээж
Тэмvvлэх наранд дулаацаж явах минь

profile