Бичлэгийн тоо 5,522
Суусар мөнгөн салхийг дагаж хийсээд байхаар нь
Сул хархан гэзгээ шууж явдаг болсон
Сульдаа хүрэн зүрхээ дагуулж тэнээд байхаар нь
Суль хөнгөн сэтгэлээ хорьж явдаг болсон
Эрвээхэй цэнхэр зангианд атаархаж хоноод байхаар нь
Эрх гэнэн аашаа өрөвдөж суудаг болсон
Эхийн сүүний үнэрээр сар шургаад байхаар нь
Энгэрийн гурван товчоо бүтэн товчилдог болсон
Үрэл бурмын амтыг голж муулаад байхаар нь
Үлэмж цатгалан хүслээ тоож анзаархаа болисон
Үрдээ яарсан алхаанд цэцэг шархлаад байхаар нь
Үйлийн цагаан тоосоо эргэж харахаа болисон.