Бичлэгийн тоо 5,522
Дөрвөн хэврэг аль вэ хэмээвээс
Эгнэгт батгүйн тул энэ бие нас хэврэг
Үүрд үл ханилахын тул амраг садан бүхэн хэврэг
Элдвээр солилцон ирэх болзошгүйн тул жаргал зовлон хэврэг
Эцэст барагдахын тул хураасан бүхэн хэврэг.
Дөрвөн буй аль вэ хэмээвээс
Хэн дор эрдэм буй болвоос түүн дор тус буй
Хэн дор эе буй болвоос түүн дор нөхөр буй
Хэн дор эд буй бөгөөс түүн дор харам буй
Хэн дор эрх буй бөгөөс түүн дор хилэнц буй.
Дөрвөн сайн аль вэ хэмээвээс
Охь дээд номын ёсоор явагчдын үйл сайн
Осол муу явдлыг тэвчигчдийн зориг сайн
Олны тусыг бодогч мэргэдийн санаа сайн
Онц бусдын үйлийг бүтээгчдийн чадал сайн.
САЙХАН МӨРТҮҮД БАЙНАА