Та надад дурлаагүй чинь аз

Танд би дурлаагүй минь аз.

Хатан хүнд бөмбөрцгөн дээгүүр

Хамтдаа алхахгүй минь аз.

Үгээ цэнэхгүй чөлөөтэй шулганаж

Үргэлж инээдтэй байх минь бас аз.

Ханцуй шүргэхийн төдийд

Хацар улайж тэвдэхгүй минь аз.

Өөрийн минь хажууд зоволтгүйгээр

Өөр хүүхэн тэвэрч байгаа тань аз.

Таныг биш өөрийг үнссэнийхээ төлөө

Тамын галд шатахгүй минь аз.

Энхрийхэн нэрийг минь, эелдэгхэн та

Энэ өдөр ч, тэр шөнө ч дурсахгүй нь аз.

Сүмийн аниргүйд бидний тэргүүн дээгүүр

Шүтлэгийн дуу хэзээ ч уянгалахгүй нь аз.

Үүр шөнөөр тайван унтуулж

Үдшийн намууханд хааяахан дайралдаж

Сарны доор амраглан зугаалахгүй

Нарны туяанд адилсан шарагдахгүй

Өөрөө ч та мэдэлгүй, өөрийг минь амгалан байлгадагт

Өр зүрхнээсээ гялайлаа, гялайлаа.

Та надад дурлаагүй чинь аз.

Танд би дурлаагүй минь аз.

I want to
                     
 

Юу бодож буйгаа анхаарч бай

учир нь бодол үг болдог

Юу хэлж буйгаа хянаж бай

учир нь үг үйлдэл болдог

Юу хийж буйгаа анхаарч бай

учир нь үйлдэл зуршил болдог

Юуг үргэлж хийдгээ анхаарч бай

учир нь зуршил зан чанар болдог

Зан чанараа анхаарч бай

учир нь зан чанар


ХУВЬ ТАВИЛАН болдог