манан дунд хөлчүү суухад
маргаашын өдөр гэж байхгүй нь сайхан
сүүмгэр хараат согтуу нүдэнд
сүүтийж торсон бүсгүйчүүд хөөрхөн
сүүлчийн зоосоо шавхаж байсан ч
сүйрлээ дуудан гунихгүй нь сайхан
дарсны аагинд шатаж суухад
дараагын өдөр гэж байхгүй нь сайхан
ичихээ мэдэхгүй ирмэх нүд
эрлээ голохгүй нь дэндүү сайхан
инээд алдсан задгай бүсгүйн
энгэр цээжээр тэнэх сайхан
гэмшсэн сэтгэл үнгэгдсэн цамцтай
гэрийнхээ үүдэнд түгдэрч зогсоходоо
гэргийнхээ өмнөөс хэлэх үггүй
гээгдсэн өдрийг дотроо хараана
шартсан цээж хоосон түрийвчтэй
шаналалын оронд тарчилж суухдаа
урьд өдрийн жаргалын золиосонд
уйлж суугаа эхнэрээ аргадна
Өөдгүй зантай хүний өөлсөн үгэнд гомдовч
Өнгө мөнгө дутаж өөрчилж солимоор санагдавч
Өөдрөг эхэлсэн ажлаа үргэлжилүүлж заавал дуусга
Өөрөө өөрийхөө мөрөөдөлөөс урваж битгий амьдар