Хээрийн салхи шиг хуйларч явахад минь
Хэрж тогтоосон хонгор бүсгүй минь
Хэвийх насанд намрын борооноор
Хэнзэлж ургасан хайрын цэцэг минь
Амрагын халуун үгээрээ сэтгэл нялхаруулж жаргаасан
Ааль дөлгөөн чинийхээ аашыг эвдэлгүй л амьдархасан
Аргадах зөөлөн харцаараа зүрх гижигдэн жаргаасан
Амгалан хоёр нүдыг чинь нулимсгүй тунгалаг байлгахсан
Омголон адуу шиг үргэж явахад минь
Олж тогтоосон хонгор бүсгүй минь
Оройтох насанд намрын хяруунаар
Ойд үлдсэн улаахан жимс минь
Амрагын халуун үгээрээ сэтгэл нялхаруулж жаргаасан
Ааль дөлгөөн чинийхээ аашыг эвдэлгүй л амьдархасан
Аргадах зөөлөн харцаараа зүрх гижигдэн жаргаасан
Амгалан хоёр нүдыг чинь нулимсгүй тунгалаг байлгахсан
Хоргодох нөмөргүй төөрч явахад минь
Хориж тогтоосон хонгор бүсгүй минь
Хожимдох насанд намрын борооноор
Ховорхон ургах хайрын цэцэг минь
Өөдгүй зантай хүний өөлсөн үгэнд гомдовч
Өнгө мөнгө дутаж өөрчилж солимоор санагдавч
Өөдрөг эхэлсэн ажлаа үргэлжилүүлж заавал дуусга
Өөрөө өөрийхөө мөрөөдөлөөс урваж битгий амьдар