Жинхэнэ хайр хүнийг өөрчлөх чадалтай
Үнэн дурлал дэлхийг ч хөдөлгөх хүчтэй

Миний хайртад дурласан нь түм бумаараа
Миний хайртыг мөрөөддөг нь мянга зуугаараа
Магадгүй хайрын минь галыг хэзээ ч битгий унтраасай гэсэндээ
Бурхан надаар тохуурхдаг юм болов уу.
Яг тийм байх нь. Үргэлж чамайг гэрэлтүүлж яваарай гэж
Бурхан надад тушаасан юм байлгүй

Хайрламаар байна, чангаас чанга тэвэрмээр байна
Уруулыг чинь үнсмээр байна, улам илүү хайрламаар байна
Харамламаар байна, хэнд ч чамайг өгмөөргүй байна
Бүхий л өдөржин хамт баймаар байна, бүр илүү хайрламаар байна

Өвдөөд байна ш дээ, шаналсан зүрх
Өнгөрөөд байна ш дээ, цаг хугацаа
Уйлаад байна ш дээ, ганц сэтгэл
Урсаад байна ш дээ, хайрын нулимс

Уйлаад л, дуулаад л, хорвоогийн хугацаа өнгөрөөд л...
Бодоод л, хийгээд л,  нас бие гүйцээд л...
Өөрөөс чинь ондоог хайрлаж чадахгүй
Өнө мөнхөд чамайг л хайрламаар байна

Засваргүй, завдалгүй сэтгэлийн өчил.
Бодолгүй, нухалгүй бичсэн үгс.
Амьдралын минь 2 минут.
Хайрын минь нэг л хэсэг.

          Чиний хайр

Сэтгэлийн минь тольруу харсан
Сониучхан нүд чинийх
Зүрхний утсыг хөглөсөн
Уянгат эгшиг хайрынх
Гуниг уйтгарыг үргээсэн
Анхны хайр үүрдийнх
Гутрал цөхрөлөөс аварсан
Чиний итгэл сэтгэлийнх.

          "Хайрыг бүү март"

Ганхарсан бударсан цас гунигтайгаар орсон
Гадаа хүйтэн, сэтгэл хайрсан шөнө
Нүднээс чинь цөхрөлийн нулимс урсаж
Нэвширсэн бодлоо урж хаяхыг хүснэ

                 Хайрын сарнай Олон олон цэцэгсийн дундаас
Онцгойлж тэр цэцгийг сонгосон юм
Мянга мянган сарнай дундаас
Гагцхүү тэр сарнайг сонгосон юм

Хонгор хүү минь чи намайг энхрийл
Хориглож байсан ч даашинзыг минь тайч
Халуу төөнөтөл бүсгүй бие шаттал
Хагацашгүй янагаар уруул дээр минь үнс

Налж суугаад зөөлөн тэвэр
Надад хайртай гэдгийг чинь мэдрэх гэсэн юм аа

Дуу алдаж, уйлж гэмшмээр дурлалд
Дуртмал харц, дулаахан шивнээ хөвж
Шүдний чинь сайхныг, гарын чинь хэнэггүйг мэдэрч
Шүүрс алдан жаргах гэсэн юм аа

Хонгор хүү минь, чи намайг энхрийл
Хориглож байсан ч даашинзыг минь тайч
Бүжин туулайн хэвтэрт бүлээн зөн нуугитал
Бүсгүй сэвлэг ирвэгнүүлэн галзуу юм шиг загна
Бүрэг аашаа гээж, бүүр гөлөг шиг гийнатал
Бүхий л биеийг минь тачаангуйн тэнгэрээр нөмөргө

Хонгор хүү минь, чи намайг энхрийл
Хориглож байсан ч даашинзыг минь тайч
Чимэг зүүлтийг минь чимээгүйхэн тайл
Чинийх гэдгээ мэдрэх гэсэн юм аа