Аз жаргалын сарнайг өлмийд чинь зулъя
Атгахан зүрхээ энгэрт чинь шигтгэе
Алиахан инээдээ сэтгэлд чинь хадъя
Амрагхан чамайгаа харин өөртөө аргамжъя
*** *** *** ***
Чи нүүрэнд минь гэрэлтэх жаргалын гэгээ
Би нөмөрт чинь дэлбээлэх хэнзхэн сарнай
Чи сэтгэлээс минь урсах хайрын аялгуу
Би энгэрт чинь эрхлэх бүсгүй нэгэн заяа
*** *** *** ***
Зөн билгийн ертөнц үүдээ нээж
Зүүдэнд минь зочид айлчлан байхад
Замилангийн жаягтай тэрсэж учирсан
Зүрхний амраг чи минь алга аа
*** *** *** ***
Би бусдын хайраас горьдож амьдрах
Бурханаас ялтай тэрсүүд нэгэн
Өрөөлийн жаргалаас хумсалж жаргах
Өршөөлгүй гэсгээгдсэн өөдгүй нэгэн
*** *** *** ***
Хайр намайг өвтгөнө гэж би бодоогүй
Хагацлаар сүрдүүлж сөхрүүлнэ гэж санаагүй
Хайлган зүрхийг минь сэмлэнэ гэж мэдээгүй
Харин хайрандаа баясаж ханиндаа жаргахыг л хүссэн
hvsvel namaig chi unshaach
hulgee zadlan setgelee ursggamaar
zuvshuurvul chamaig shirtej
zurhiig tani bazan uyrmaar