-Могойд хатгуулахад ингэний сүү буцалгаж уух ба түрхвэл хорыг авна. Хатгуулсан газрыг тойруулан гаансны бохь түрхэх сайн.
-Сонгино хагалж тавих, алтан харганы шар хальсны дотуурх ногоон хальсыг чанаж уух ба хальсыг нарийн хэрчиж нухаад архинд зуурч шавшваас сайн.
- Аливаа түлэнхийд тогооны хөө уух ба ямааны халуун сэмжээр орооход сорвигүй эдгэнэ.
- Гөлтгөнө түлэн нунтаглаж, түлэгдсэн хэсэгт байн байн сольж хийвээс хорт шүүстийг шингээж авна, бас баавгай, чацаргана, гахайн тос түрхэх магад сайн.
- Түлэгдэлтэд нохойн цус, тас шувууны мах тавихад сайн. Халцарч төөнөгдсөн газрын үс ургуулахад хэрээний өд, махны ханд сайн гэдэг.
- Адуу хазвал морины шээсээр угаагаад хомоол түлж түрхвэл гайгүй болно.
- Гар, хөлийн мах тасарсанд сохор номингийн махыг чанаад, шалбарсны дараа идвэл сайн.
- Гар, хөл хугарвал эвд нь оруулж боогоод үхрийн түүхий чөмөг түрхэх сайн.
- Яс, мах гэмтсэнээс өвдөлт намдахгүй үед хаврын дунд сарын 15-нд ичээнээс гармагц агнасан тарваганы хатаасан элэг, мөн тарваганы 7 соёог нунтаглаж холиод, 200 гр ус буцалгаж бэлтгэнэ. Үүнээсээ бүлээн болмогц 1-2 тунг хийж хутгаад хүрэн өнгөтэй болмогц уухад өвчин эдгэнэ.
- Гэмтсэн ясыг пааланжуулахад зааны хужирхай буюу тахианы өндөгний цагаан хальсыг нунтаглаж усаар даруулж ууна.
- Судас гэмтвээс огтлогдсон судасны эхэнд цасан чихэр хийвээс сайн.
- Мэсний шарханд тангад шар хув үрж буцалгаад уувал сайн.
- Ямар нэгэн цус тогтооход барга-жамба гэдэг цэцгийг уух буюу түрхэхэд лавтай эдгэнэ.
- Хөлдөхөд гахай, баавгай, үхрийн тосуудыг түрхэхэд сайн мөн хүйтэн усанд дүрж гэсгээх хэрэгтэй.
- Хүний яс хугарваас алтан утас хандалж уух маш сайн.
- Хүний мах, яс бэртсэнд шаазгайн мах сайн.
- Хөлдсөн их, бага шарханд цасан чихэр, шар тосонд хайлгаж түрхвэл сайн.
- Цэврүү гарваас чөдөр өвсийг баахан буцалгаж хөргөөд угаах, эсвэл цэврүүг хагалж шар тос түрхэх сайн. | |