"ӨРГҮЙ БОЛ БАЯН ӨВЧИНГҮЙ БОЛ ЖАРГАЛ..."
Сүүлийн үед Өмнөд Солонгос улсад үйлдвэрлэсэн бөөрний үрэвсэл эдгээдэг гэх соронзон бүсийг монголчууд өргөнөөр хэрэглэх болсон. Харин энэ бүсний ид шид тийм ч сайн биш гэнэ. Соронзон бүсний талаар бөөрний эмч, профессор Д.Оюунцэцэг хэлэхдээ “Соронзонтой бөөрний бүс нь зөвхөн мэдрэл давамгайлсан өвдөлтийг түр зуур намдаах үйлчилгээ үзүүлдэг. Харин бөөрний үрэвслийг эмчлэх үйлчилгээ үзүүлдэггүй. Тэр ч бүү хэл дулааны улиралд чийг татаж бөөрийг улам үрэвслүүлэх сөрөг нөлөөтэй.” гэв. Эмч мэргэжилтнүүдээс зөвлөгөө авалгүй зөвхөн хэн нэгний хэлснээр өөрийгөө дур мэдэн эмчлэх нь эрүүл мэндээ улам доройтуулах аюул учирч болзошгүй гэдгийг эмч мэргэжилтнүүд сануулж байна
