SUDDEN ATTACK \Admin : MONEY CLAN
Microsoft” компани хяналтын шинэ технологио танилцууллаа
IT-news Уншсан 3173 vote 0 2009.06.26 16:50:41
Алдарт “Microsoft” компани Xbox 360 тоглоомондоо тохирох хянаж удирдах шинэ системийг Лос Анжелес хотноо болсон “ E3 Expo” үзэсгэлэн дээр танилцууллаа.
“Natal” хэмээн нэрлэсэн энэхүү шинэ технологи нь ямар ч гарын оролцоогүйгээр тоглоомыг удирдах технологи бөгөөд тоглоом тоглохыг хүссэн хүмүүсийн нүүр царайгаар нь болон хөдөлгөөнөөр нь танин тоглуулах эсэхээ шийддэг ажээ.
Нэрт кино найруулагч Стивен Спилберг энэхүү шинэ технологийн талаар хэлэхдээ “Ирээдүйг олж харах цонх” гэсэн бөгөөд урьд өмнө зөвхөн эрхий хуруугаар таниулдаг байсан бол энэхүү цоо шинэ технологийн тусламжтайгаар хүнийг бүхлээр нь таньж болох боллоо. Технологи чамайг хэн гэдгийг тань одоо танихаар болж байна хэмээн цааш хэлсэн юм.
Энэхүү системийг анх бий болгосон Британийн зохион бүтээгч Петр Молинейкс
Natal-ийг өөрөө тоглож үзүүлсэн бөгөөд энэхүү тоглоом нь зөвхөн хүний нүүр царайг таниад ч зогсохгүй тоглоом тоглож байхдаа хүмүүс ямар ааш авир гаргадгаар тоглогчдыг мөн таньдаг ажээ.
“Microsoft” компани нь Xbox 360-т зориулж шинээр бүтээсэн тоглоомуудаа энэхүү үзэсгэлэнгийн үеэр мөн танилцуулсан бөгөөд энэ дунд “Beatles Rock Band”, “Call of Duty: Modern Warfare 2”, “Tony Hawk Ride and Final Fantasy XIII” зэрэг нь байгаа юм.
