Нэгэн хэвийн амьдралаа өөрчилье

Таны амьдрал хааяа хааяахан  нэгэн хэмийн урсгалаар өнгөрөн одож  буй мэт уйтгартай санагдаж байна уу?Амьдралаа эрч хүчээр дүүрэн аз жаргалтай өнгөрүүлэхийг хэн ч хүснэ. Гэтэл ажлаа урдаа барьж гүйсээр байтал  бидний үнэт зүйлс хаягдаж хоцрох нь бий. Харин ийм байдлаар удвал амьдрал гэдэг таны хувьд утга учиргүй өнгөрөх болно гэдгийг мэргэжилтнүүд зөвлөж байна.Та сонирхож байвал бидний бэлдсэн дараах мэргэжлийн зөвлөгөөнд анхаарлаа хандуулаарай.  

                                         1.Агаар салхинд гар.

Байгаль ээж өөрөө хүмүүн биднийг анагаах эм байдаг .Хотоос гарч хөдөөгийн цэвэр агаар салхинд гарах нь хүний сэтгэл санааг өргөж, мэдрэлийн системийг тайвшруулж, сэтгэн бодох үйлд ч эерэг нөлөө үзүүлдэг. Горхины шоржигнох чимээг сонсож, моддын дунд байхад үнэхээр ч сэтгэл тэнийгээд амгалан тайван болдоггүй гэж үү?

                                        2.Идэвхитэй дасгал хөдөлгөөн

Энд "идэвхитэй" хэмээн онцолж байгааг анхаараарай. Танд өдөр бүр фитнес клуб явах зав байдаггүй байж болох л юм.Гэхдээ л өглөө бүр гимнастик хийх хэдэн хором танд байдаг.Гимнастик гэдэг нь хүний булчин шөрмөсийг сунгаж тэнийлгэн хөдөлгөөнд оруулдаг шинжлэх ухааны үндэстэйгээр зохиогдсон дасгал юм.

                                        3.Хайртай хүмүүстэйгээ цагийг өнгөрүүл

Та эрүүл хооллож,эрт босох зэрэг амьдралын зөв хэвшилтэй юу? Гэлээ ч бусадтай харилцах харилцаандаа тааруухан бол дээрх бүхэн ямар ч үр дүнгүй болох нь бий гэнэ шүү. Хүмүүс бидний аз жаргалын түлхүүр бол хайртай дотны хүмүүс байдаг. Тэгвэл эдгээр хүмүүстэйгээ байх үедээ илүү тайван аз жаргалтай байдаг гэдгийг Харвардын их сургуулийн шинжээч Даниэл Гилбэрт нотолж байна. Харин хувийн харилцаандаа асуудалтай байдаг хүмүүс  зүрхний шигдээс болон диабет зэрэг өвчнөөр өвчлөх эрсдэл харьцангуй өндөр байдаг юм байна. Өөрт тохиолдсон аз жаргалтай мөчөө бусадтай хуваалцах үедээ хүн хязгааргүй баяртай байдаг .

                                       4.Баярлаж талархсанаа илэрхийл

Та хэн нэгэнд баярлаж явдаг бол түүнийгээ илэрхийлж сураарай.Энэ нь хүлээн авч байгаа хүндээ ч сайхан сэтгэгдэл төрүүлэхээс гадна   та хоёрын харилцаа улам бүр сайжирна.Мөн  та өөрийгөө сайн хүн гэдгээ мэдэрч урам зоригтой байх болно.

                                      5.Бясалгал

Бясалгал гэдэг нь хүний дотооддоо харьцаж байгаа үйл бөгөөд өөрийгөө болоод амьдралыг танин мэдэх чадварт суралцаж, өөрийн сэтгэл санааг удирдан зөв амьдралын хэмнэлд таныг хөтөлнө.Мөн уур бухимдлаа дарж өөрийгөө хянаж чадна.

                                       6.Хангалттай унтаж амар

Нойр дутуу сэрсэн өглөө нэг л тиймхэн байдаг гэдэгтэй та санал нийлнэ биз дээ. Учир нь нойр гэдэг эрүүл амьдрахын нэгэн үндэс болдог. Орой бүр нойр хулждаг бол та үүнийг хэрхэвч даамжруулж болохгүй. Унтаж чаддаггүйгээс болоод эрүүл мэндийн төдийгүй зан  байдлын хувьд ч ихээхэн сөрөг нөлөө үзүүлдэг гэнэ. Огцом ууртай цочимтгой болохоос гадна шийдвэр гаргах үйл  ажиллагаа удаашрах зэрэг муу дагавартай.

                                      7.Өөртөө өөрчлөлт хий

Шинэ спортоор хичээллэ,хөгжмийн  шинэ урсгалыг сонирхоод үз, танилын хүрээгээ тэл. Амьдралдаа шинэ зүйлсийг нэмж оруулах нь таныг "амьд" байгаа гэдгийг байнга мэдрүүлж сэтгэл санааг тань өргөх болно. Өмнө нь сэтгэлийг тань зовоож байсан асуудлууд ч аажмаар сарнин алга болохыг та мэдэрнэ.

                                     8."Элгээ хөштөл инээ"

Зарим өдөр та огтхон ч инээмсэглээгүйгээр барахгүй өдөржин нэг л ууртай хүн явсан гэдгээ анзаардаг уу?Элгээ хөштөл инээж, баясан хөөрч явдаг тэр л үеүд хаана гээгдэж хоцроо вэ?Магадгүй мартчихсан юм болов уу?Үгүй дээ,бид инээхээс илүү өөр зүйлд санаа зовох нь ихэсдэг болж. Та эрүүл мэнддээ анхаарч өдөр бүр уухаар амин дэм хэрэглэж байсан уу? Яг үүнтэй адилаар  та бие болоод сэтгэлийн амин дэм болгож өдөр бүр өөрийгөө хөгжөөж чин сэтгэлээсээ инээн баясч байгаарай.

                                      9.Хүрэх мэдрэмж

Хайртаа хүнээ энхрийлэн тэврэх, анд нөхрөө дотночлон тэврэх  нь бидэнд хамгийн сайхан мэдрэмжийн нэг байдаггүй гэж үү?Тэврэлт таныг баяр хөөртэй болгодог. Мөн бэлгийн амьдрал бие болоод сэтгэлийн хувьд сайн нөлөө үзүүлдэг.

                                     10.Өөдрөг бай

Сэтгэл санаагаар өөдрөг байх нь таны амьдралд ямар ч зүйл тохиолдсон түүнд бэлэн байх сэтгэлийн хатыг танд хайрлана. Аливааг өөдрөгөөр харж мэдрэх нь таныг амьдралд идэвхитэй, амьдралд хайртай байхад тусална. Мөн таны бодсон сайхан хүсэл мөрөөдөл биелэх нь дамжиггүй юм.