Хүний нутгийн хүмүүний ширэнгэд
Хөлөө олохгүй их л будиллаа
Харсан бүхэн минь тансаг гэвч
Хөдсөн өлгийг минь гүйцээ билүү
Харийн нутгаас амсаагүй амгаланг
Хөдсөн өлгийддөө л амссаан би
Энгүй орчлонгийн оломгүй далайд
Эндүү гишгэж их л зовлоо
Эгнэсэн барилга нь өндөр гэвч
Эсгий гэрийг минь гүйцээ билүү
Энгүй орчлонгоос олоогүй баяслыг
Эсгий гэртээ л олссоон би
Алс нутгийн амьдралын замналд
Алдаж онож бишгүй л төөрөлдлөө
Алаглан хослуулсан түмэн гоёл нь ч
Аглаг нугыг минь гүйцээ билүү
Алсын нутгаас хараагүй үзэсгэлэн гоог
Аглаг нугынхаа цэцэгнээс л биширсээн би
Дэлхий хэрсэн энгүй уудамд
Дээрдэж бас уруудаж бишгүй л шаналлаа
Тив дамнасан олон улс байвч
Дэлхийн ганцхан Монголыг минь гүйцээ билүү
Дэлхий уудмаас ч мэдрээгүй их хайрыг
Төрсөн нутаг Монголоосоо л би мэдэрлээ
uka hi