Монгол улсын их хурлын сонгуулийн үйл ажиллагаа эхлээд явагдаж байгаа билээ. Өглөө 7 цагаас эхэлсэн сонгуулийн санал хураалт яг 22 цагт өндөрлөх юм.
13 цагаас СЕХ-ноос хэвлэлийн бага хурал зарлаж сонгуулийн явцын талаар мэдэгдэл хийлээ. СЕХ-ны дарга Б.Баттулгын хэлснээр иргэд урьдны сонгуулиудыг харьцуулвал өнөө жил маш идэвхтэй оролцож, дараалал үүсгэж байгаа аж.
12 цагийн байдлаар:
Архангай аймгийн тойрог – 27%
Баян-Өлгий аймгийн тойрог – 41,31%
Баянхонгор аймгийн тойрог – 33%
Булган аймгийн тойрог – 33,7%
Говь-Алтай аймгийн тойрог – 35,7%
Дорноговь аймгийн тойрог – 31,4%
Дорнод аймгийн тойрог – 27,9%
Дундговь аймгийн тойрог – 32%
Завхан аймгийн тойрог – 35%
Өвөрхангай аймгийн тойрог – 25%
Өмнөговь аймгийн тойрог – 41,5%
Сүхбаатар аймгийн тойрог – 37%
Сэлэнгэ аймгийн тойрог – 35%
Төв аймгийн тойрог – 32%
Увс аймгийн тойрог – 26%
Ховд аймгийн тойрог – 41,3%
Хөвсгөл аймгийн тойрог – 23,8%
Хэнтий аймгийн тойрог – 31,6%
Дархан-Уул аймгийн тойрог – 38,7%
Орхон аймгийн тойрог – 22,5%
сонгуулийн ирцтэй байгаа бөгөөд нийт аймгийн ирц 32% байна.
Харин нийслэлийн 6 дүүргийн хувьд:
Хан-Уул дүүргийн тойрог – 26,1%
Баянзүрх дүүргийн тойрог – 24,8%
Сүхбаатар дүүргийн тойрог – 21,4%
Чингэлтэй дүүргийн тойрог – 30,3%
Баянгол дүүргийн тойрог – 28,3%
Сонгинохайрхан дүүргийн тойрог – 28,3%
ирцтэй байгаа бөгөөд нийслэлийн сонгуулийн нийт ирц 26.5% байна. Харин улс нийтийн сонгуулийн ирц 30% байна.
Сонгуулийн ерөнхий хорооноос 18 болон 23 цагуудаас дараагийн хэвлэлийн бага хурлыг зарлан мэдэгдэл хүргэх юм.
Сонгуулийн хэсгийн хороодуудад ноцтой маргаан, асуудал одоогоор гараагүй байгаа боловч бага зэргийн бухимдал үүсээд байгаа юм байна. Жишээлбэл, Сонгинохайрхан дүүргийн 26-р тойргийн 28-р хэсгийн хороонд хаягийн зөрчлийн улмаас олон сонгогч саналаа өгөх боломжгүй болоод байгаа аж. Хэсгийн хороодын ажилчид сонгогчийн үнэмлэхийг тараахдаа уг үнэмлэхийн хаягийг иргэний үнэмлэхний хаягаас зөрүүлэн олгосноос ийм асуудал үүсээд байгаа юм байна.
http://www.etv.mn/live_c1.htm