Moderator: mgl_300
Бичлэгийн тоо 42,366
Эр хүн харилцаагаа амархан тасалж чаддаг гэж ихэнх эмэгтэйчүүд ойлгодог. Гэтэл үнэндээ тийм биш. Зөвхөн эмэгтэйчүүд л хаалгаа саваад яваад өгч чаддаг. Харин эр хүн явах гэж яардаггүй, чаддаггүй гэж болно. Эр хүн гэрээс явахын өмнө ямар авир ааш гаргадгийг мэдсэнээр та гэр бүл салалтад эртнээс бэлдэж, арай бага шаналах болно.
Хайр, халамж үгүйлэхээ байх. “Юу болоо вэ?” гэж таныг асуухад тэр ”Юу ч болоогүй” гэдэг. Эр хүнд халамжтай хань маш чухал, хувь заяандаа гомдоллоход өөрийг нь анхааралтай сонсоно гэдэгт тэр итгэлтэй байх ёстой. Ажил дээрх асуудал бэрхшээлээ ярихад, өвчнөө тоочиж байхад түүнийг өрөвдөж сэтгэлээ илэрхийл. Хэрэв тэр танд энэ бүхнээ дэлгэхээ байсан бол өөр хэн нэгнийг олжоо гэсэн үг.
Тэр маш хөндий. Эр хүн харилцаагаа таслах тухай бодож эхэлмэгц сексийн тухай бодохоо байдаг. Хэрэв тэр тантай цуг орондоо орохоо больж, гэнэт телевизийн шөнийн нэвтрүүлэг, эсвэл ном уншдаг болбол сэжигтэй гэсэн үг. Хэрэв та энэ үед секс дотуур хувцас өмсөж түүнийг татах гэвэл том алдаа хийж байна. Энэ удаад та түүнийг өвөртөлсөн ч сэтгэл нь өөр газар байна. Ийм учраас шууд түүнтэй ярилцах хэрэгтэй. “Хоёулаа секс хийхээс зайлсхийж байгаа бол бие биенээсээ улам холдож хөндийрч байна гэсэн үг. Бид юу болоод байна?” гэж асуу. Нэг үгээр хэлбэл асуудлыг бага дээр нь шийдвэрлэвэл гэр бүлээ аврах магадлал өндөр.
Өөртөө сэтгэл дундуур. Тэр гүн санаа алдаад “Сүүлийн үед өөртөө дургүй хүрээд байна”, “Миний ажил ерөөсөө нэг л биш, бүтэлгүйтээд”, “Би өөрийгөө ойлгохыг хүсч байна” гэж танд хэлдэг болсон уу? Тэгээд нэг л өдөр “Би өөрөө жаргалгүй юм чинь яаж чамайг жаргаах билээ, хоёулаа зам замаа хөөе” гэх байх. Ийм үед эхнэр нь хариу цохилт хийх хэрэгтэй. “Чиний зөв. Би илүү юм хүртэх эрхтэй” гээд босоод яваад өг. Ингэж жүжиглэх нь танд ядаж байдлыг хяналтандаа байлгах боломж өгнө. Эсвэл тэр таныг буцаж ирэхийг гуйж ч мэднэ.
Чи муу харин би сайн хүн. Энэ үед тэр таныг гомдоох, сэтгэлээр унагахын тулд бүхнийг хийнэ. Таны төрсөн өдрөөр баяр хүргэхгүй байх гэх мэт. Гэрийн ажил хийхгүй, таны дэргэд өөр хүүхнийг ширтэнэ, тэгээд таныг юм хэлэхээр “Би муу юм юу хийсэн юм бэ?” гэнэ. Тэр байтугай ярианы явцад таныг ямар нэг байдлаар гомдоох байх, хувцас, үс засалт, хөлний үсийг шүүмжлэх зэргээр. Энэ бүхэн ердөө баг. Хэрэв тэр “Чи бүр жинсэндээ багтахгүй таргалчихаж” гэвэл “Чи өмнө нь миний юу өмсдөгийг байтугай ямархуу төрхтэйг нэг их анзаардаггүй байж билээ” гээрэй. Түүнийг ингэж маргаанд татан оруулснаар жинхэнэ санааг нь ил гаргана.
Танаас өө дутагдал хайна. Энэ бол харилцаагаа таслах шалтаг. Тэр таныг ажлын газрын хүнтэй хардана. Энэ бол өөрөө явах аргаа хайж байгаа, өөрийн нөхцлөөр явбал түүнд ашигтай. Та өөрийгөө өмөөрөхийн оронд нүдээ бүлтийлгэж “Чи л сайн мэдэх байх. Хэрэв чи миний тухай элдэв муухай ярианд итгэж байгаа бол энэ чиний хэрэг. Эндээс зайл, тэгээд найз нарынхаа нүдэнд баатар болж харагдах гээд байвал цааш чалчихгүй юу” гэж хэл.
Гэр бүлээ хадгалж үлдэхэд тус болохгүй байж мэдэх ч салалтыг арай хялбар давахад тус болно.
Урьдчилсан салалт. Энэ салалт хэдэн сар, эсвэл хоёр хоног үргэлжилдэг. Энэ үед тэр нохой гурав харагдтал ууж, таарсан хүүхэнтэйгээ унтана. Харин өглөө согтуу, аймаар шартаж сэрэн, өмнө нь ямар сайхан амьдралтай байснаа дурсана. Удалгүй тэр ирж, таныг эргэж ирэхийг гуйна. Та өөрөө амьдралаа бодон хоёр биенээсээ уучлалт гуйн эвлэрч магадгүй. Та түүнийг хүлээж авбал анхны алдаа болно. Ийм үед та нар дундын нутаг дээр уулзах ёстой. Ийм уулзалтын гол зорилго бол тэр сэтгэл санаагаа бүрэн нээж уудлах ёстой. Хэрэв энэ уулзалтаар та нар тохиролцоонд хүрч юу хүсэж байгаагаа тодорхойлж чадаагүй хэрнээ дахиж нэгдэхээр шийдвэл та нар буцаад эхний шатандаа очно. Хэрэв та нар сэтгэлээ нээлцэж, учраа олсон ч асуудлаа шийдээгүй бол та хоёрын амраг сэтгэлийн харилцаа эцсийн шатандаа оржээ гэсэн үг.
Удаан хүлээсэн салалт. Та нар салахаар шийджээ. Та найзууддаа түүнээс салснаа хэлсэн хэдий ч тэр таны сэтгэл санаанаас гүйцэд гараагүй байгаа. Дор хаяж хагас жил шаардагдана. Эр хүн шууд салж чаддаггүй, юмаа авах энэ тэр гэсэн шалтгаар байн байн ирнэ. Тэр тантай буцаж нийлэх гэж оролдож байгаа юм биш, тэр таныг хаяснаар амьдралдаа алдаа хийснээ гэнэт ойлговол буцаад ирэхэд хаалга нээлттэй байгаасай гэж л хүсэж байна. Ихэнх хүүхнүүд бүх юм ингээд өнгөрсөнд бурханд талархдаг. Тэгээд өнгөрсөн амьдрал өөрт чинь гэр бүлийн аз жаргал, баяр цэнгэл авчраагүйг ойлгодог. Одоо та шинээр амьдралаа эхэлж болно.
Гэр бүлээ хадгалж үлдэхэд тус болохгүй байж мэдэх ч салалтыг арай хялбар давахад тус болно.
Урьдчилсан салалт. Энэ салалт хэдэн сар, эсвэл хоёр хоног үргэлжилдэг. Энэ үед тэр нохой гурав харагдтал ууж, таарсан хүүхэнтэйгээ унтана. Харин өглөө согтуу, аймаар шартаж сэрэн, өмнө нь ямар сайхан амьдралтай байснаа дурсана. Удалгүй тэр ирж, таныг эргэж ирэхийг гуйна. Та өөрөө амьдралаа бодон хоёр биенээсээ уучлалт гуйн эвлэрч магадгүй. Та түүнийг хүлээж авбал анхны алдаа болно. Ийм үед та нар дундын нутаг дээр уулзах ёстой. Ийм уулзалтын гол зорилго бол тэр сэтгэл санаагаа бүрэн нээж уудлах ёстой. Хэрэв энэ уулзалтаар та нар тохиролцоонд хүрч юу хүсэж байгаагаа тодорхойлж чадаагүй хэрнээ дахиж нэгдэхээр шийдвэл та нар буцаад эхний шатандаа очно. Хэрэв та нар сэтгэлээ нээлцэж, учраа олсон ч асуудлаа шийдээгүй бол та хоёрын амраг сэтгэлийн харилцаа эцсийн шатандаа оржээ гэсэн үг.
“Байнгын сайхан секстэй амьдрал бол хүний биендээ салшгүй үргэлж авч явдаг эмийн сан юм” гэж Энэтхэгийн судлаач доктор Прокаш Котхари хэлжээ. Тэрээр байнга секс хийхийн хамгийн чухал 6 ач холбогдлыг тоочин гаргаж,
хайртай хосуудад сексийнхээ амьдралыг байнгын эрүүл, шинэ байлгаарай гэж хичээнгүйлэн захиж байна. Энэ нь та бидний мэдэх зүйл байж болно. Гэхдээ үүнийг уншаад үзвэл жаахан хуучирсан харилцаагаа сэргээхэд чинь тусалж ч магадгүй.
Секс сайн дасгал.
Сексэд биеийн бүх булчин оролцдог бөгөөд тэдгээрийг 1 цаг ажиллуулахад хамгийн бага нь 300 калори шатаадаг байна. Сексийн үеэр гуя, бэлхүүс, гар, хүзүү, цээж хэсгийн булчингууд онцгой сайн ажилладаг бөгөөд биед тестостерон хүчтэй ялгарснаар тэдгээр булчингуудын үйл ажиллагааг эрчимжүүлж, ясыг бэхжүүлдэг. Судасны цохилт энгийн үед минутанд 70 байдаг бол сексийн үеэр 150 хүртэл олширдог бөгөөд энэ нь бүх хүчээ аваргын төлөө тэмцээнд гаргаж буй тамирчинтай эн тэнцэх үзүүлэлт юм.
“Орон доторх ганц тойрог чинь цэнгэлдэх хүрээлэнг бүтэн 6 тойрсонтой тэнцэх үзүүлэлт шүү” гэж ноён Котхари өгүүлжээ. Сексийн үед цусанд ялгарах эндорфин нь “байгалийн алуурчид” гэгддэг дархлааны чухал эдүүдийг хүчирхэгжүүлж бие махбодын өвчинтэй тэмцэх чадварыг нь эрс нэмэгдүүлдэг. Мөн сексийн үеэр эрчимжсэн цусны эргэлт нь биед хорт бодис хуримтлагдахаас хамгаалдаг шидтэй байна.
Баяр хөөрийг мэдэрнэ.
Сайхан сексийн үеэр цусанд ялгарсан серотонин нь /сайхан хоол идсэний дараа мөн үүнтэй адил мэдрэмж төрдөг байна/ сэтгэл хангалуун байдал бий болгож, биеийг сулруулан стрессээс хамгаалдаг байна. Байнга секс хийж, түүнээс таашаал авдаг эмэгтэйчүүдийн цусан дахь эстроген даавар хавьгүй их байдаг бөгөөд энэ нь арьсыг эрүүл, толигор болгодог ажээ.
Сэтгэл санааны хямралын тухай март.
Дур тавьсны дараа цусны эргэлт аажмаар хэвийн байдалд орж, судасны даралт бууж, зүрхний цохилт цөөрөн хүний сэтгэлд амгалан тайван байдал, баяр хөөр мэдрүүлдэг байна. Эр хүний үрийн шингэнд хадгалагддаг простогландин даавар нь эмэгтэй хүний үтрээгээр дамжин биенд нь шимэгдэхдээ эмэгтэй хүний биед өөрт нь чухал хэрэгтнэй даавруудыг ялгаруулах явцыг сайжруулдаг гэнэ.
Өвчнөөсөө сал.
Секс нь окситоцины ялгарлыг нэмэгдүүлдэг. Дур тавихын өмнө цусан дахь окситоцин энгийн үеийнхээс 5 дахин их хэмжээтэй ялгарах бөгөөд энэ нь дээр өгүүлсэн өвчний эсрэг тэмцэгч эндорфиныг ялгаруулахад шууд нөлөөлдөг байна. Эмэгтэй хүний таашаалын гол цэг болох G цэгийг идэвхжүүлэхэд ялгарах эндорфин нь өвчлөх боломжийг 40 хувь буулгах бөгөөд бүсгүй үнэхээр дур тавьж чадсан бол өвчин тусах магадлалыг бүр 100 хүртэл хувь бууруулдаг гэнэ.
Шархаа эмчилье.
Шведийн эрдэмтэд окситоцины найрлага бүхий тариагаар мэрэгч амьтдад тарьж туршилт хийж үзэхэд туршилтанд уг тариаг хийлгэсэн мэрэгчдийн шарх нь энгийн үеийнхээс 2 дахин түргэн эдгэрч байжээ.
Сайн үнэрлэнэ.
Сексийн дараа пролактин дааврын хэмжээ нэмэгдэж тархины үнэрлэх хэсгийг хариуцдаг үнэрлэх төвийн мэдрэлийн эдүүдийн холбоог эрс сайжруулдаг байна.
Үргэлж залуугаараа.
Сексийн идэвхтэй амьдрал нь насыг уртасгадаг. Шотландын эрдэмтэд 18-102 насны 3500 хүнд судалгаа хийж үзээд сексийг байнга үр дүнтэй хийдэг хүмүүс илүү эрүүл бөгөөд залуу сайхан харагддаг болохыг нотолсон байна.