Урин цаг ирчихжээ. Цас хайлмагтаад л. Урин дулааны чимэг охид хүүхнүүд байдаг нь нууц биш. Гоё ганган байх боломж бүрддэг болохоор тэр байх л даа. Харин сайхан байх гол зүйл нь үс. Үс сайхан бол зүс сайхан ч гэдэг дээ. Хамтдаа үсэндээ анхаарлаа хандуулъя.

Та Үсээ Ямар самаар самнадаг вэ?
Та ямар сам хэрэглэж байгаагаа хар даа. Таны  хэрэглэж буй сам үсэнд чинь ямар нэгэн хэмжээгээр нөлөөлж чадаж байгаа болов уу?

Тослог Үсэнд сойзон сам тохиромжгҮй
 Эрүүл үсийг өдөр бүр хэдэн минутын турш самнах нь жинхэнэ дасгал болдог. Сам нь үсэнд тогтсон тоос, шороог арилгаад зогсохгүй хуйхан дахь цусны эргэлтийг сайжруулж, үсэнд тэжээл өгч, ургалтыг зохицуулдаг байна. Үсээ самнахдаа эхлээд дагзнаасаа дух руугаа, дараа нь бүх чиглэлд сойзон самаар самнах хэрэгтэй. Ингэж самнавал ядаргаа тайлагдаж, толгойн өвчин намддаг. Хэрвээ үс тань хугарамтгай, үзүүр нь салаалсан бол сойзон сам бус энгийн самаар самнаарай. Харин та тослог үстэй бол сойзон сам тохиромжгүй гэдгийг анхаар.

Үснийхээ ӨтгӨн, шингэн, тослог, хуурайгаас хамааран самаа сонго
Танд л гэж хэлэхэд зэрлэг гахайн үс, мод зэрэг байгалийн цэвэр бүтээгдэхүүнээр хийсэн сам эрүүл мэндэд чинь илүү ашигтай. Ийм сам арьсанд зөөлөн иллэг хийхээс гадна үсийг цахилгаанжуулж гэмтээдэггүй. Шүдийг нь резинэнд суулгасан сам зөөлөн таатай санагддаг ч шүдний үзүүрийг нь тэгшилж, хурц биш болгож өгсөн байх ёстой. Харин сойзон самны бөөрөнхий үзүүртэй шүд иллэг хийхэд сайн байдаг.

Үс хатуу байх тусам хатуу сам сонго
Гэмтэлтэй үсэнд металлаар хийгдсэн, хурц шүдтэй сам тохиромжгүй. Үс тань хатуу байх тусам хатуу сам сонгох хэрэгтэй байдаг бол шингэн, зөөлөн үстэй хүн модон сам сонгох нь хамгийн тохиромжтой.
Харин хуванцар самыг ховор тохиолдолд хэрэглэх хэрэгтэй. Яагаад гэвэл ийм сам цахилгаанжилт үүсгэж, үс унагахаас гадна амархан бохирдож, өөртөө тоос хуримтлуулдаг муу талтай. Тиймээс хуванцар самыг ойр ойрхон угаах буюу гурван сард нэг удаа солих хэрэгтэй.
Урт Үс хээнцэр харагдуулдаг
Халуунд үс өнгөө алдаж, хуурайшиж, унах нь ихэсдэг. Будаг ч тогтохоо больдог. Үс “өндөг” шиг хэврэг тул ялангуяа хурц нартай үед толгойгоо халуунаас хамгаалж явах нь чухал.  Урт үс эзнээ хээнцэр ганган харагдуулдаг ч амархан “хөгширдөг”. Өөрөөр хэлбэл, урт үсний үзүүр дорхноо салаалж, толгойг загатнуулаад зогсохгүй их хэмжээгээр унадаг. Үүнийг үс “хөгширч байгаагийн дохио” гэж үздэг байна. Үсийг хөгшрүүлэхгүйн тулд та доорх зөвлөгөөнд анхаарлаа хандуулна уу.
ь Үсээ далаа хүртэл ургуулсан тохиолдолд сард гурван удаа үзүүрээс нь 1-2 см тайрч бай.
ь Халуунд толгой амархан хөлөрдөг учир үсний хэв алдагддаг гэдгийг мартаж болохгүй. Үснийхээ хэвийг хадгалж байхын тулд бага зэрэг лак цацахад зүгээр.
ь Үсээ өндөгний уураг, цайны хандаар угаахад гэмгүй. Мөн нимбэгний шүүсийг бүлээн усанд хийж хутгаад, үсэндээ түрхэж угаавал үс гялалзаж сайхан харагддаг.

Богино Үстэй хҮмҮҮст шош сайн
ь  Богино үс ажил хэрэгч хүмүүст тохиромжтой боловч зарим үед урт үснээс илүү арчилгаа шаарддаг.
ь  Богино үсийг ялангуяа зуны халуунд химийн аргаар буржийлгах гэж бүү яар. Учир нь шингэрч, унах нь ихэснэ.
ь  Эмэгтэйчүүд турах гэж хоолны дэглэм сахидаг нь үсэнд муугаар нөлөөлдөг байна. Богино үстэй хүмүүс хоолны дэглэм хэт их сахисны улмаас витамины дутагдалд орох нь бий.
ь  Хэрэв та богино үстэй бол хүнсэндээ сүү, загасны мах, тос, шош Е витаминтай зүйлс өргөн хэрэглэвэл үс чинь гялалзсан, зөөлөн харагдана.

ӨдӨр бҮр Үсээ угаах нь тийм Ч сайн биш
Ядрах, сэтгэл хямрах, гутрах үед үс хуурайшиж, өнгөө алдаж мөн хагтдаг байна. Түүнчлэн тос болон хөлсний булчирхайн ажиллагаа суларч эхэлмэгц үс хуурайшдаг болохыг эрдэмтэд тогтоожээ. Үс унахад ч эдгээр шалтгаан нөлөөлдөг байна.

Хэрэв та Үсээ ӨӨрӨӨ буддаг бол
Будагны өнгө төлөвлөснөөс арай бараавтар болдог гэдгийг сануулъя. Тиймээс жинхэнэ өнгө нь ямар байхыг туршиж үзэх нь зүйтэй. Үүний тулд дагзан дахь туг үсээ будаад үз. Мэдээж тохиромжтой аятайхан өнгө шиг санагдвал будах ажилдаа ороорой. Хэрэв та үсээ будсаны дараа нэг л минут хугацаагаа хэтрүүлчихвэл нөгөө хүсэн хүлээж байсан өнгөнөөсөө өөрчлөгдөхийг анхаар.

ТӨрӨлхийн гоо сайхныг Үнэл
Хэрэв таны унаган үс тас хар, хилэн хүрэн, хонгор шар өнгөтэй бол өөрийн давтагдашгүй энэ онцлогоо бүр мөсөн устгах хэрэггүй. Яагаад гэвэл будаг арилсан ч үс чинь буцаад жинхэнэ өнгөө олоход хэцүү болдог. Тэгээд ч үсээ байнга буддаг эмэгтэйчүүдийн үсний төрөлх өнгө үхчихсэн байдаг гэдгийг танд сануулахад илүүдэхгүй биз. Харин гялалзсан эрүүл үстэй харагдахыг хүсдэг хүнд мэргэжлийн гоо сайханчид Е витамины тосон уусмалыг санал болгодог аж. Түүгээр  толгойндоо иллэг хийх нь маш сайн үр дүнтэй гэнэ.
 
Шампунь дээрх шошго тийм ч аЧ холбогдолтой биш
Ямар ч үсэнд тохиромжтой, өдөр бүр угаа, эрүүл сайхан үстэй болгоно гэх мэтийн заавар шампунийн шошгон дээр байдаг. Мөн шампунь үйлдвэрлэгчид ч ийн рекламддаг. Тэгвэл та ийм рекламд хууртагдах хэрэггүй. Яагаад гэвэл хүн бүрийн үс өөрийн гэсэн онцлогтой. Тиймээс зөвхөн өөрийнхөө үсэнд тохирсон шампуниа сонго. Өдөр бүр үсээ угаах нь тийм ч сайн биш. Хэрэв үс тослогтсон мэт санагдвал толгойгоо бөхийлгөн хуурай үсээ нүүр рүүгээ унжуулан хэдэн минут сэнсэд. Ингэж үсний угийн арьсны илүүдэл тос арилж үс  хөвсгөр болдог.

Үсний тоник
Ингээд та бүхэнд үсний тоникийг хэрхэн бэлтгэдгийг сонирхуулъя. Хоёр ширхэг бэрсүүт жүрж авч хальслаад дээр нь нэг литр буцалсан ус хийгээд 20 минут буцалгана. Түүнийгээ сэрүүн газар тавьж хөргөнө. Үсээ шампуньдчихаад саванг гаргахдаа энэ уусмалаа ашигла. Ингэснээр үс хурдан ургадаг гэж дэлхийн нэртэй салоны үсчид үздэг байна.
 Та үүнийг мэдэх үү?
-    Насанд хүрсэн хүний толгойд 12О мянга орчим үсний уутанцар байдаг.
-    Хүний үс сард 1,25 см ургадаг 
-    Ширхэг үс 5- 7 жилийн настай
-    Үсний 9О хувь нь цаг тутам ургаж байдаг 
-    1О хувь нь унахад бэлэн явдаг
-    Үсний уутанцраас амьдралын туршид 2О-3О орчим үс ургадаг 
-    Өдөр бүр 1ОО-2ОО ширхэг үс унадаг
-    Шаргалыг бодвол цайвар үс илүү унадаг 
-    Үс хавар,зун хурдан ургадаг
-    Өдөр үсний ургалтыг хурдасгадаг. Шөнө үс удаан ургана 
-    Зуны цагт малгай өмсөж юмуу эсвэл шүхэр барьж явах нь үсээ нарнаас хамгаалах шилдэг арга болдог. Харин зун үсээ аль болохоор бага самнахыг хичээж бай. Самналт ялангуяа чанга самналт үсний уутанцарт цочрол үүсгэх нь бий. Үсээ ойр ойрхон норгох нь зөв боловч хэвийг нь алдуулж болзошгүйг анхаарахад илүүдэхгүй.