Бүсгүй хүнд гоо сайхан гэдэг хамгийн эрхэм зүйл. Тийм ч учраас гоо сайхны бүтээгдэхүүндээ маш их анхаарал тавьдаг. Магадгүй та будаг шунхаа хэзээ хэрэглэж эхэлсэн хугацаагаа мартчихдаг байж болох юм. Хэрвээ тийм бол тухайн бүтээгдэхүүний хугацаа хэтэрсэн ч юмуу эсвэл муудсан эсэхийг шалгах аргыг сонирхуулья.

Муудсан уруулын будаг уруул хатааж, жигд бус будагддагаас гадна заримдаа эвгүй амт амтагдах нь бий. Мөн үнэр нь ч өөрчлөгддөг. Харин сормуусны будаг хуучирсан бол бөөгнөрч будсаны дараа амархан бутарч унадаг.
Хуурай тень, энгэсэг, хацар өнгөлөгч зэрэг нь мөн л бөөгнөрч жигд бус будагддаг.
Харин кремний өнгө, үнэр өөрчлөгдөж, бүтэц хэсгүүд нь задарч, хатаж хуурайшвал муудсаны шинж.
Энэ дашрамд сануулахад гоо сайхны бүтээгдэхүүн муудах гол шалтгаан нь бактери гэдгийг хэлье. Иймээс будаг шунхандаа бактери оруулахгүйн тулд крем, тень, хацрын будаг зэргийг хуруугаараа биш зөвхөн зориулалтын бийр, багсаар түрхэх хэрэгтэй. Нэг багсаар олон төрлийн будгийг түрхэж болохгүй. Хэрэглэсний дараа эдгээр багс, бийрээ буцалсан усаар байнга угааж хатаах хэрэгтэй.