10 жил........ Хүний амьдралын 10 жил  бодоход урт хугацаа өнгөрсөний дараа богинохон санагдана.

Хүн энэ хугацаанд юу хийж амжих вэ?  Ямарч байсан нийгэмд тодорхой хэмжээгээр байр сууриа олчихсон, ажлын талбарт хэн бэ гэдгээ харуулчихсан, гэр бүлтэй болоод үр хүүхдийнхээ зулайг үнэрлэчихсэн, орох орон,унаа тэрэг, ямар нэгэн хувийн бизнэс гээд ЮМ ЮМНЫ ЗАХТАЙ  болж болох хугацаа. Гэхдээ ихэнх  хувь нь ямар нэг зээл авах ба ӨРТЭЙ байна. Зарим нэг нь энэ бүхнийг байтугай өөрийгөө яая даа гэсэн хүмүүс ч байгаа.  Энэ бол нутагтаа байгаа хүмүүс.

Санал нийлж байна уу надтай? 

Аа харин харьд урсгасан 10 жил. Хөлс хүч хамаг чадлаа шавхан ажиллах, бусдын дарамт шахалт дор  хамаг л бор ажлыг хийнэ. Хуруу хумсаа хугалан байж олсон мөнгөө өөрөөсөө харамлан байж ар гэртээ явуулна. Хамгийн гол нь тэдний итгэл нь хэнээс ч гуйхгүй сайхан амьдрах. Үр хүүхдийнхээ ирээдүйд санаа зовохгүй байх. Тэд нутагтаа очоод хүссэн амьдралаа бий болгож чадна. Харамсалтай нь нутагтаа ирээд ажил хөдөлмөрийн гарааг тэгээс эхлэнэ. Аа харин тэд хэнд ч ӨРГҮЙ. Энэ бол тэдний давуу тал.

Энэ бол миний л бодол. Дутуу  бодсон ч байж болно.

Харьд урсгасан 10 жил. Хуруу хумсаа хугалан байж, эрүүл бие,залуу насаа золин байж цуглуулсан хөрөнгө нь нутагтаа ирэхэд сохор зоос ч байхгүй байвал та яах уу?

Миний 10 жилийн найзад маань яг ийм юм тохиолдсон бодохоос ч аймаар

1998 онд найз маань солонгос явсан юм. Бид ч араас нь яриад л анхны цалингаа авсан уу угаая дээжээсээ явуул гээд л шаналгаастай. Найз маань их зөөлөн сэтгэлтэй, даруухан,уурлаж байхын би л лав хараагүй  10 жилийн дараа нутагтаа ирэхэд орох орон ч үгүй, унах унаа ч үгүй, өмссөн хувцаснаас өөр хөрөнгөгүй ээж нь урдаас нь: Өдий хүртэл чинь өсгөлөө энэнээс илүү яалгах гэсийн. аймаар ээж.  Хамаг мөнгийн ээж бага охин дүү нь цацаад дуусгацан гэсэн. Хайран 10 жил,хайран залуу нас. Нутагтаа байсан бол өртэй ч гэсэн өөрийн орох оронтой, унах унаатай хань ижилтэй үр хүүхэдтэй байх байсан юмч билүү. Найзыгаа өрөвдөөд байхиймаа. Одоо даруухан дээрээ бүр дуугай их  л гунигтай царайтай явдын.Сэтгэлдээ юу бодож шаналж явдаг болдоо найз минь.

Харьд урсгасан залуу нас

Хайгаад дараа нь хаанаас ч олдохгүй

Үүлэн чөлөөний наран шиг

Үүрд надаас явсан

Захгүй  далайн эрэг дээр

Зассан модот гудамж дунд

Зайгүй олон хүмүүсийн дэргэд

Залуу нас минь үлдэж хоцорсон

Хүмүүсийн хоолны үлдэгдэл дээр

Хүйтэн чулуун шалан дээр

Хүүхдийн тэрэгний бариул дээр

Хоцроод үлдсэн залуу нас

Зочид буудлын өрөөн дунд

Зорчиж явах метрон дотор

Айл гэрийн босгоно дээр

Алга болсон залуу нас

Үеийн нөхөдтэй цэнгэх

Үерхэл дурлалыг амсах

Үнэнч ариун хайрыг

Үзээгүй өнгөрсөн залуу нас

Ай хөөрхий залуу нас

Ахиад хэзээ ч олдохгүй

Хайлан уйлаад ч нэмэргүй

Харьд урсгасан залуу нас минь ээ