би та нартаа  үлэмжийн чанарыг бүрэн эхээр нь бичиж өгье                                                                                                                                                                                                                                                                                                                                                                                                                                                                                                                 Үлэмжийн чанар төгөлдөр  Өнгө тунамал толь шиг  Үзэсгэлэнт сайхан царайг чинь  Үзвээс лагшин төгс маань  Үнэхээр сэтгэлийг булаанам зээ.  Хөшүүн сэтгэлийг уяруулагч  Хөхөө шувууны эгшиг шиг  Хөгжүүн эелдэг зан чинь  Хүүрнэн суухад урамтай  Хөөрхөн аальт мину зээ. Угаас хамт төрсөн  Улаан зандны үнэр шиг  Учрахын зуур сэнгэнэсэн  Уран гол шиг бие чинь  Улам сэтгэлийг хөдөлгөнө зээ.  Бадмын дундаас дэвэрсэн  Балын амтанд адилсмаар  Баясгалант хөөрхөн ааль чинь Бахдаад бахдаад баршгүй  Баярыг улам арвитгана зээ.   Хүний энэ насанд  Хүссэн хэргээ бүтээгээд, Хүсэлт тэнгэрийн эдлэл мэт  Хөлгүй цэнгэлийн далайд  Хөвж хамт жаргая зээ.