Бурхан хүн танаас гуйж байна Бат-Эрдэнийн Цэлмүүн... Дэгж дэрвэсэн дөрөвхөн настай жаахан охин үдэш бурхныхаа өмнө сөгдөнхөн суугаад "Бурхан минь, миний нүдийг гоё болгоод өгөөч дээ" гэж үнэн сэтгэлээсээ сүсэглэн мөргөдөг. Цэлмүүн охин өөрөө ижиидээ элэг дэвтээх ганц үр нь. Түүний ээж бас эжийдээ амин ганц охин нь. Бие биедээ ганцхан тэд хайраар дутаагүй ээ. Харин алдрай жаахан охин, амин ганц зээд нь тохиолдсон хавдар хэмээх хатуухан тавилангийн өмнө хүчин мөхөсдөж, хүн танаас сэтгэлийн өглөг, итгэлийн илч эрэн хандаж байна. Нийслэлийн Тэргүүний 120-р цэцэрлэгийн тэргүүний хүүхэд, бяцхан авъяастан энэ охинд орчлонг харах мэлмий үгүй болох, цаашлаад амь насанд нь аюултай МЭДРЭЛИЙН ГАРАЛТАЙ НҮДНИЙ ХАВДАР гэсэн өвчний онош тодроод байна. Хэдэн арван мянга, магадгүй хэдэн зуун мянгад нэг тохиолдох энэ өвчнөөр монголдоо л лав оношлогдсон хүн байхгүй гэнэ лээ. Гэвч бид байгаа бүхнээ охиныхоо төлөө зарцуулна. Одоо баруун нүднийхээ харааны 80 хувийг алдчихаад байгаа охиноо харсаар байгаад явуулмааргүй байна. Харамсалтай нь, нэн даруй хэрэгтэй байгаа энэхүү мөнгийг цуглуулна гэвэл аминаас үнэтэй цаг хугацаа алдах гээд байна. Буянт хүмүүс минь туслаач. Сэргэлэн, хэрсүү, авъяаслаг охин минь хараагүй болох, ийм богино наслахад дэндүү хайран байна. Охин минь өөрөө бурханаас гуйж байна. Харин эмээ өвөө, ээж аав бид нь бурхны дайтай хүн танаас гуйж байна. туслаач...
Хандивын данс: |
Зовлого зовохоос зориг мөхөхгүй
Тиймээ.Залуусаа бүгдээрээ бага ч гэлгүй туслалцаа үзүүлцгээе!
Түүнээс гадна баталгаатай хандивийн хайрцаг Монгол хоолны газар, карго-нуудад тавих хэрэгтэй шүү. Солонгост 30 гаран мянган Монголчууд байдаг гэвэл нэг хүн доод тал нь 1000 вон хандивлахад л эмчилгээний зардал доороо цугларна даа. Бага гэлгүй тусламжын гараа сунгацгаая!
Тиймээ.Залуусаа бүгдээрээ бага ч гэлгүй туслалцаа үзүүлцгээе!
Түүнээс гадна баталгаатай хандивийн хайрцаг Монгол хоолны газар, карго-нуудад тавих хэрэгтэй шүү. Солонгост 30 гаран мянган Монголчууд байдаг гэвэл нэг хүн доод тал нь 1000 вон хандивлахад л эмчилгээний зардал доороо цугларна даа. Бага гэлгүй тусламжын гараа сунгацгаая!