Ардын Төрийн Наадмын аварга цолтой бөхчүүд-2: Г.Самдан

Улсын аварга “Босоо” хэмээх Ганжууржавын Самдан

Сэцэн хан аймгийн Цэцэн вангийн хошуу, одоогийн Хэнтий аймгийн Баянхутаг сумын харьяат “Босоо” хэмээх Г.Самдан аварга 1899 онд мэндэлсэн. Монгол бөхийн түүхэнд “Босоо” хэмээх хочтой Хөвсгөл аймгийн Цагаан-Уул сумын харьяат Сосорын Шагдар, Архангай аймгийн Өлзийт сумын харьяат Баясахын Банзар, Хэнтий аймгийн Баянхутаг сумын харьяат Ганжууржавын Самдан гэсэн бөхчүүд тэмдэглэгдэн үлдсэн байдаг.

 Г.Самдан аварга Улсын чанартай наадамд 2 удаа түрүүлж, 3 удаа үзүүрлэж, 7 удаа шөвгөрсөн ГЭДЭГ. Бүрэн бус мэдээгээр 1921 оны Арван Засгийн наадамд Г.Вандан аваргад унаж үзүүр булаалдсан бол 1923 оны Улсын наадамд 704 бөхөөс Д.Далантай арсланд унаж үзүүр, 1924 оны Улсын наадамд 674 бөхөөс С.Шагдарт унаж үзүүр булаалдсан бол 1925 оны Улсын наадамд Н.Жамъянг орхин түрүүлсэн.

Улсын Баяр наадамд:

• 1925 онд 920 бөхөөс 10 давж түрүү
• 1923, 1924 онуудад үзүүрлэсэн
• 1938 онд 6 давсан

Арван засгийн наадамд:

• 1921, 1923 онд үзүүр
• 1922 онд их шөвөгт үлдсэн