“Камертон”-ы Болд, Эба хоёр төрсөн эгч дүү хоёртой гэрлэсэн гэдгийг мэдэх хүмүүс нь мэднэ. Циркийн Жамъяандоржийн охид тухайн үедээ европын орнууд, Америкт гэрээгээр явж нугардаг, тэндээ “Алтан охид” гэж алдаршсан түүхтэй. Харин Монголдоо ирээд найзуудтайгаа явж байгаад “Камертон”-чуудтай танилцсан аж.
Тэр үед нүүрээрээ шилжилтийн насны батга гарчихсан Эба ирээдүйн эхнэр Ж.Бямбасүрэнгээ эргүүлдэж, харин Ж.Бямбасүрэн нь “Хамгийн царай муутай нь намайг эргүүлж байна” тэрүүхэндээ гутарч байснаа илэн далангүй ярьсан байдаг. Эбатай эгч Бямбасүрэн нь “учраа олох” үеэр дүү Бямбажав нь “Камертон”-ы Болдтой үерхэж эхэлж. Төрсөн дүүгээ Д.Болдтой үерхэхийг хориглосон эгч нь алганы амт ч үзүүлж байсан гэдэг.
Харин учрах ёстой хүмүүс л учирдаг гэдэг болохоор “Камертон”-ы Эба, Болд хоёр төрсөн эгч дүү хоёрыг гэргийгээ болгон авч чадсан. Өдгөө Эбагийнх дөрөв, Д.Болдынх гурван хүүхэдтэй өнөр өтгөн гэр бүл болжээ.
www.mnews.mn