Сүүлийн гурав хоногийн хугацаанд Хойд Солонгос улсад төрийн өндөр албан тушаал хашиж байгаа зургаан иргэн Өмнөд Солонгос улсаас улс төрийн орогнол хүсчээ.
Тэдгээр иргэдийн гурав нь гуравдагч оронд байгаа бол гурав нь мөн гуравдагч орноор дамжин Өмнөд Солонгос улсад хүрэлцэн ирсэн байгаа ажээ. Хойд Солонгосоос дүрвэн ирэгсэд дунд тус улсын Санхүүгийн 39-р хэлтсийн дарга буюу Ким Жонг Ыний санхүүгийн албыг гардан хариуцдаг гэр бүлийн эхнэр, нөхөр хоёр байгаа юм. Харин Өмнөдөд очиж чадаагүй байгаа ч улс төрийн орогнол хүсч зөвшөөрлөө авах гэж байгаа гурван иргэний дунд, Ким Жонг Ыний баруун гарын төлөөлөгч, түүний өмнөөс Өмнөд Солонгос болон Хятад улсуудтай уулзалт хийдэг байсан цэргийн өндөр албан тушаалтан багтжээ
Дээрх зургаан иргэд нь бүгд 60-аас дээш насныхан бөгөөд тэд эх орондоо очвол хэзээ нэгэн цагт гэнэт баригдан цаазаар авахуулах байх гэсэн айдастай байгаа тул ийнхүү эх орноосоо зугатсан байна.
Өмнөд Солонгос улс дээрх иргэдийн улс төрийн орогнолыг хүлээн зөвшөөрч байгаа тул эхнээс нь эх орондоо авчирч байгаа ажээ.
