Монгол Улсын Ерөнхийлөгч Үндэсний эрх чөлөө, тусгаар тогтнолоо сэргээн мандуулсны 103 жилийн ойд зориулан нэр бүхий хүмүүст шагнал гардууллаа. Монгол Улсын Ерөнхийлөгчийн зарлигаар Спортын салбараас Жүдо бөхийн дэлхийн аварга Г.Болдбаатар, Чөлөөт бөхийн дэлхийн аварга С.Цэрэнчимэд, Дэлхийн аваргын хүрэл медальт Д.Ням-Очир нар Монгол Улсын гавьяат тамирчин цол хүртлээ. Мөн Олон улсын эмэгтэй их мастер цолыг Монгол Улсаас анхлан хүртсэн шатарчин Б.Мөнгөнтуул Монгол Улсын гавьяат тамирчин боллоо. Түүнчлэн чөлөөт бөхийн шигшээ багийн дасгалжуулагч Б.Баяраа, “Алдар” спорт хорооны дасгалжуулагч Ц.Хосбаяр, Жүдо бөхийн эмэгтэй шигшээ багийн дасгалжуулагч Ш.Цэвэлмаа нар Гавьяат дасгалжуулагч цол тэмдгээр шагнууллаа.