Өглөө 8 цагт ажилдаа бэлэн байхын тулд бүсгүйчүүд бид доод тал нь 2 цагийн өмнө босох шаардлагатай болдог. Хүүхэдтэй ээжүүдийн хувьд үүнээс ч олон цагийн өмнө босох нь мэдээж. Гэхдээ өдөр бүр эрт босох хэн хүний хувьд хэцүүхэн даваа байдаг шүү дээ. Тэр тусмаа өмнөх шөнө нь оройтож унтсан тохиолдолд. Гэхдээ таны өглөөг илүү “амархан” бөгөөд сэргэг болгох хэд хэдэн арга байгааг бид танилцуулж байна.
1. Оройн хоолноос татгалзаарай
Өглөөг сэргэг угтахад хамгийн их хүндрэл учруулдаг зүйл бол оройн хоол. Ходоод шөнөжин ажиллаж, унтсан ч огт амарч чаддаггүй. Түүгээр ч зосохгүй элдэв зүүд зүүдлэн тархийг хүртэл ядраадаг. Тиймээс өглөөд сэргэг, хөнгөн босохыг хүсвэл оройд жимс, тараг гэх мэт хөнгөн хоолыг сонгоорой.
2. Өрөөндөө байгалийн гэрэл оруул.
Нарны гэрэл нь сэрүүлэгтэй цагнаас ч илүү сэргээх увидастай бөгөөд гэрлийн долгион нь таны тархийг идэвхжүүлэн, сэргээнэ. Тиймээс хөшгөө завсартай үлдээгээд унтаарай.
3. Сэрүүлэгнийхээ дууг өөрчил.
Нэгэн хэвийн хангинасан сэрүүлэгний дуу таныг өглөө бүр залхаадаг уу? Тэгвэл сэрүүлгээ утсан дээрээ тавиад огт өөр дуугаар сэрээрэй. Сүүлийн үеийн хит магадгүй Биеонсе, Бритни гээд дуртай дуучныхаа цоглог хэмнэлтэй дууг тавибал таны өглөө илүү хөгжилтэй байх болно.
4. Өглөө босоод ахиухан ус уу.
Өглөөд хүйтэн бүлээн ус уух нь таны нойрмог байдлыг дорхноо арилгах болно. Мөн эрүүл мэндэд ч тустай. Цэвэр ус ууснаар таны тархи бүрэн сэргэж, идэвхтэй ажиллах болно.
5. Жүржийн үнэр таныг сэргээнэ.
Орныхоо хажууд жүрж, нимбэг мэтийн цитрусын төрлийн жимс тавиад хоноорой. Жүржийн хурц үнэр таны тархийг дор нь сэргээх болно. Мөн өглөөд шүршүүрт ордог бол жүржийн үнэртэй биеийн шингэн саван худалдаж аваарай.
6. Дурласан хүнээ бодоорой.
Магадгүй та хэн нэгэнд дурласан эсвэл дөнгөж болзож эхэлж байгаа бол өглөөг хайртай хүнээ бодож эхлүүлээрэй. Сэтгэл зүйн хувьд таныг шууд л өргөх болно. Түүнийхээ зургийг эсвэл өгсөн бэлгийг нь орныхоо хажууд тавиарай.