энэтхэгийн тамирчин хийсэн үйлдлийнхээ төлөө шийтгэл хүлээлээ
Уншсан 2414 vote 0 2014.10.24 18:27:31Энэ онд Азийн XVII дахь спортын их наадам БНСУ-ын Инчон хотод болсон. Шар тивийн тамирчид “хурднаас хурдан, хүчтэйгээс хүчтэй, өндрөөс өндөрт” Олимпийн уриан дор шударгаар өрсөлдөж шилгүүдээ тодруулсан билээ. Харин зохион байгуулагч орны тамирчид шүүгчтэй хуйвалдаж хэд хэдэн ялалт байгуулсан. Үүний нэг золиос нь болсон Энэтхэгийн боксын эмэгтэй тамирчин хүрэл медалиа энгэртээ зүүхээс татгалзсан. Дээр тамирчин манай Н.Төгсцогттой рингэнд гарсан. Энэтхэгийн С.Дэви Азийн наадмыг хүндлэлгүй, зүй бус үйлдэл гаргасных нь төлөө түүнд Олон улсын сонирхогчын боксын холбоо шийтгэл оногдуулахаар боллоо.
AIBA-гийн удирдлага, ёс зүйн хорооноос мэдэгдэхдээ “С.Дэви Азийн наадмыг үл хүндэтгэж зүй бус үйлдэл гаргасан. Иймд түүний дасгалжуулагч, Энэтхэгийн багийн ахлагч нарт ёс зүйн хэрэг үүсгэсэн. Энэ хэргийг бүрэн шийдвэрлэх хүртэл С.Дэвийг ямар нэгэн тэмцээнд оролцох эрхийг нь хасаад байна” гэж хэлсэн аж. Ингэснээр ирэх сард болох боксын эмэгтэйчүүдийн дэлхийн аваргад Энэтхэгийн тамирчин оролцох боломжгүй болж байна.