Цагаан арьстай Ричард, өнгөт арьстай Катрина Хоуарт нар цагаан арьст хүүтэй болжээ. Нигери гаралтай Катрина одоо амьдарч буй Английн Милтон Кэйнес хотод энэ оны зургадугаар сарын 1-нд нярайлж Йохан хэмээх хүүтэй болсон аж.

Зураг дээр дарж томоор үзэх боломжтой

Хотын төрөх эмнэлгийн ахлах эмчийн ярьснаар Йохан хүү цагаан, өнгөт арьстны дундаас төрсөн анхны цагаан арьст хүү гэнэ. “The Sunday Mirror” сонинд бичсэнээр хүүг мэндэлсний дараа эмч нар түүний арьсны өнгөнд өөрчлөлт орно гэж найдаж байсан ч гурван сарын дараа байдал өөрчлөгдөөгүй нь энэ аж.

Зураг дээр дарж томоор үзэх боломжтой

Катрина “Би үнэхээр балмагдсан. Арьсны өнгөний хувьд Ричард бидний дундаас эрлийз хүүхэд төрөх ёстой. Гэхдээ Йохан бол бурхнаас бидэнд илгээсэн гайхалтай, өвөрмөц бэлэг юм. Намайг төрөхөд байгаагүй миний зарим найз саяхан ирж уулзахдаа үнэхээр гайхсан. Гэвч тэдний юу гэх нь надад хамаагүй” гэжээ.

Ричард хүүгээ анх харахдаа үнэхээр гайхсан байна. Йоханыг мэндлээд эмч нар авч явж угаалга хийх үедээ өөр хүүхэдтэй сольчихсон юм болов уу хэмээн залуу аав бодсон гэнэ. Гэвч эсийн нарийн шинжилгээгээр Йохан яах аргагүй Ричард, Катрина нарын хүү болох нь тогтоогдсон байна.

Зураг дээр дарж томоор үзэх боломжтой

2010 онд өмнөд Лондоны Гэгээн Мэри эмнэлэгт Анжело Ихэгборо нярайлсан бөгөөд Нмачи хэмээх охин нь цагаан арьстай мэндэлжээ. Охины эцэг эх нь хоёулаа өнгөт арьстан байжээ. Эмч нар Нмачи охиныг албино хүүхэд биш гэдгийг баталсан байдаг.