БНСУ-ын Пусан хотод өнгөрөгч өдрүүдэд их хэмжээний бороо орж тус хотын олон дүүрэг усанд автсан билээ. Шар усны үерээс болж 4 хүн амь насаа алдаж , 1 хүн ор сураггүй алга болсон бөгөөд олон тооны барилгын газар доорх давхрууд усанд автан хөрсний нуралт үүсч, засмал зам усанд автсан байдалтай байгаа юм.
Тэгвэл өнөөдөр өглөө тус улсын төрийн тэргүүн Пак Гын Хэ Пусан хотод очиж нөхцөл байдалтай газар дээр нь танилцсан байна.
Тэрээр их үерийн улмаас усанд хамгийн их автсан Чуйчон тосгонд очин байдалтай газар дээр нь танилцсан бөгөөд орон гэрээ усанд автуулсан айл өрхүүдэд очиж уулзжээ.
Байгалийн гамшигт өртсөн айл өрх болон орон нутгуудад зохих ёсны туслалцааг яаралтай үзүүлж, сэргээн босгох ажилд хүч, хөрөнгө зарцуулахыг тушаасан тэрээр , усанд их автсан орон нутгийн иргэдэд улсаас тодорхой хэмжээний тусламж үзүүлэх талаар хэлэлцэх болно гэж амалсан байна.
Одоогоор усанд автсан айл өрхүүдэд цэрэг, цагдаа, онцгой байдлын албаныхан тусалж байгаа ба тун удахгүй зам засварын ажлыг эхлүүлж, уулын нуралтаас үүссэн олон тооны хөрс шороог цэвэрлэх ажлыг дуусгана гэжээ.
Э.Отгон