Хууль зүйн сайд Х.Тэмүүжин эрүүгийн хэрэг үүсгэж болохоор хэрэг үйлджээ
Уншсан 2832 vote 0 2014.08.01 20:31:59Хууль зүйн сайд Х.Тэмүүжин эрүүгийн хэрэг үүсгэж болохоор хэрэг үйлджээТэгвэл пүрэв гаригийн өдөр Ерөнхий сайд Н.Алтанхуяг ахлах зөвлөх Гансүхтэйгээ хууль бусаар уулзсан гэж АТГ-аас мэдээллээ. Хуулийн дагуу гэмт хэрэгт сэжиглэгдсэн этгээдтэй уулзахдаа тухайн шалгагдаж байгаа газрынх нь мөрдөн байцаагчаас зөвшөөрөл авдаг байна. Энэ дагуу МУ-ын Ерөнхий сайд Н.Алтанхуяг АТГ-ын байцаагч Золжаргалд зөвлөхтэйгээ уулзах хүсэлт гаргасан ч АТГ-аас ашиг сонирхлын зөрчил үүсэж байгаа гэж Л.Гансүхийг уулзуулах боломжгүй гэжээ. Гэтэл Ерөнхий сайд Алтанхуяг байцаагчийн шийдвэрийг эсэргүүцэн Хууль зүйн сайд Х.Тэмүүжинг дагуулан хууль зөрчин Л.Гансүхтэй хоёр цаг гаруй биечлэн уулзсан гэж АТГ-ын Мөрдөн шалгах хэлтсийн дарга Энхтөр мэдээлсэн юм. Ингэснээр Хууль зүйн Х.Тэмүүжин өөрийн гаргасан журмыг зөрчлөө гэж АТГ-аас мэдээллээ. Хууль зүйн сайд Х.Тэмүүжин 2013 оны 4 сард “Баривчлах, цагдан хорих дотоод байр”-ны журмыг баталж байжээ. Журмын дагуу сэжигтэн этгээдтэй уулзахдаа заавал шалгаж буй байцаагчаас нь зөвшөөрөл авах ёстой ч Ерөнхий сайд Н.Алтанхуяг, Хууль зүйн сайд Х.Тэмүүжин нар хууль зөрчжээ. Ийнхүү хууль тогтоогчид өөрсдөө хуулиа зөрчиж байгаа нь Эрүүгийн хуулийн тусгай ангийн 245.2-т заасан гэмт хэрэг үйлдсэн гэж АТГ-аас үзэж болохоор байна гэж мэдээллээ. Эрүүгийн хуулийн 245.2-тхэрэг бүртгэлт, мөрдөн байцаалт, шүүн таслах ажиллагаанд саад учруулах, энэ хэргийг албан тушаалын байдлаа ашиглаж үйлдсэн бол тодорхой албан тушаал эрхлэх, үйл ажиллагаа явуулах эрхийг гурван жил хүртэл хугацаагаар хасах буюу хасахгүйгээр хөдөлмөрийн хөлсний доод хэмжээг тавин нэгээс хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, гурван зуугаас таван зуун цаг хүртэл хугацаагаар албадан ажил хийлгэх, гурваас дээш зургаан сар хүртэл хугацаагаар баривчлах, эсхүл гурван жил хүртэл хугацаагаар хорих ял шийтгэнэ гэж заасан байдаг. |
Hogiin novshnuudiig oorsiin eruuuusegen mordond horih heregtei