Нүүрээ будахгүйгээр оройн болзоонд явна гэж бидний хэн маань ч төсөөлөхгүй байх л даа. Тэгвэл бидний бэлдсэн “үзэсгэлэнтэй” зөвлөгөөнд анхаарлаа хандуулаарай.
1. Гоо сайхныг мэдэр /нүүрээ будаагүй үедээ/
Тиймээ, “байгалиараа” харагдах эхний алхам бол нүүрээ будаагүй үедээ өөрөөсөө дотоод гоо сайхан чанаруудаа харах юм. Өөртөө итгэлтэй байдал эмэгтэй хүнийг ямар ч makeup-аас илүү үзэсгэлэнтэй харагдуулдаг. Энэ бүхэн танаас л шалтгаана. Та өөрийгөө сайхан харагдаж байна хэмээн бодон хүлээн зөвшөөрвөл бүх дэлхий тантай санал нэг байна гэсэн үг. Энэ амархан байгаа биз!
Нүүрээ будахгүйгээр нэг л тухгүй, өөртөө итгэлгүй санагдаж байгаа бол аажмаар “шинэ” байгальтай дасан зохицох гээд үз. Жишээ нь хөнгөн будалт хийх, сормуус болон хөмсгөө тодотгох, өө дарагч хэрэглэх гэх мэт.
2.Чиний арьс хамгийн чухал нь
Нүүрээ будахгүй байна гэдэг нь арьсаа арчлахгүй байна гэсэн үг биш юм. Өдөр бүрийн арьс арчилгаа, чийгшүүлэлт, маск, тосоо хэрэглэх нь таны арьсанд тустай. Арьсны ихэнх “асуудал” нүүрээ үргэлж буддагтай холбоотой байдаг. Нүүрээ будахгүй байх нь арьсны чийгшлийг нэмэгдүүлдэг. Хэрэв таны арьс асуудалтай бол мэргэжлийн эмчээс зөвлөгөө авч эмчлүүлээрэй.
Та арьсандаа 7 хоногт 2-3 удаа маск тавь. Ингэхдээ өөрийнхөө арьсны онцлогт тохирсон маскыг гэрийн нөхцөлд бэлтгэвэл илүү хямд бас үр дүнтэй.
Өглөө болон оройд нүүрээ 10 секунд орчим цэв хүйтэн усаар шүршиж байвал нүхжилтэнд тустай юм шүү.
3.Чиний хөмсөг
Бид будагны тусламжтайгаар нүүрнийхээ харьцааг өөрчилж, дэлхийн стандартад нийцэхийг хичээдэг, заримдаа бид өөрийнхөө байгаагаар яаж сайхан харагдахаа мартсан байдаг.
Хэрвээ та хөнгөн будахыг хүсэж байгаа бол өөрийнхөө байгалийн шинж чанаруудыг илүү тодруулах хэрэгтэй. Таны хөмсөгнөөс эхэлье! Орой болгон хөмсгөндөө оливын тос, коконат жимсний тос зэргийг түрхэж унтвал хөмсөгний ургалт сайжирна. Нүүрнийхээ онцлогоос шалтгаалан хөмсгөө засах хэрэгтэй ба youtube –ээс энэ тухай үзсэн ч болно шүү дээ.
Орчин үед хөмсөг шивэх үйлчилгээ дэлгэрсэн тул хэлбэрээ зөв тодорхойлуулаад байгалийн мэт харагдахаар шивүүлсэн ч болно.
Хөмсгөө ургуулах өөр нэг зөвлөгөөг хүргэе. Бүйлсний тосыг орой болгон унтахаасаа өмнө түрхэж унтвал хөмсөг хурдан ургана.
4. Эрүүл хүнс ба ус
Эрүүл хүнс хэрэглэх нь сайхан арьстай байхын нууц нь. Өдөр бүр шинэ ногоо, жимс хэрэглэх нь бидний арьсыг тэжээх арга юм.
Мэдээж бидний сайн найз бол ус! Өдөр бүр 8 аяга ус уухыг мэргэжилтнүүд зөвлөж байна. Ус уух нь таны арьсыг залуу, өнгөлөг харагдуулна.
5. Дур булаам уруул
Орой болгон урууландаа массаж хийж бай. Ингэхдээ элсэн чихэр, зөгийн балыг холиод урууландаа хэсэг байлгаад зайлаарай. Таны уруулыг зөөлхөн болгох байгалийн арга бол энэ.
6. Чин сэтгэлээсээ инээмсэглэ бас өөрийгөө хайрла
Инээмсэглэл чамайг нүүрээ будаагүй байсан ч үзэсгэлэнтэй харагдуулах болно!
Өөрийгөө хайла, өөрийгөө байгаагаар нь л хайрла, яагаад гэвэл бүсгүй та хосгүй үнэтэй бас үзэсгэлэнтэйг санаарай!
7. Чиний үс
Хэрвээ та нүүрээ будахгүйгээр сайхан харагдахыг хүсэж байгаа бол үсэндээ их анхаарал тавьж үсээ өнгөлөг байлгах хэрэгтэй.
Хэрвээ та үсээ тод өнгөөр будуулсан бол нүүрээ хэт их будаад ч хэрэггүй. Өөрийнхөө үсний онцлогт тохирсон бүтээгдэхүүн хэрэглэж, үсэндээ маск тавьж бай. Үс сайхан бол зүс сайхан!
www.medeelne.mn