Амраг хань минь би
                Анх л чамдаа хэлсэн үгэндээ багтаж өтөллөө
                Амраг хань минь би
                Алдаа оноо хоёрын үнэнд багтаж өтөллөө

                Ижил хань минь би
                Илүү дутуугийн аман хишгийн заяанд багтаж өтөллөө
                Ижил хань минь би
                Ирэх буцах алаг тавилангийн зайг гудайлгаж өтөллөө

                Сайн хань минь...
                Би...
                Саран наран хоёрын хэвтэрт багтаж өтөллөө
                Сайн хань минь би
                Санах мартах хоёрын хоосонд багтаж өтөллөө

                Жаахан багын хань минь...
                Би...
                Жамын модны сүүдэрт зэгээстэй өтөллөө
                Жаахан багын хань минь...
                Би...
                Жаргал зовлон хоёрт хэлхээстэй өтөллөө.

                1993.12.10